பிணையங்கள் முதலீட்டுக் கணக்குகள் (SIA)
இலங்கைக்கு வெளியில் வாழும் நபரினால் இலங்கையில் அனுமதிக்கப்பட்ட முதலீடுகளில் முதலிடுவதற்காக நிதிகளை அனுப்புவதற்கான சிறந்த கணக்கு SIA ஆகும்.
கீழே தரப்பட்டுள்ள நியமங்கள் மற்றும் நியதிகளிற்கு உட்பட்டு வெளிநாட்டு முதலீட்டாளர்களினால் உரிமம் அளிக்கப்பட்ட வர்த்தக வங்கிகளின் உள்நாட்டு வங்கித் தொழில் பிரிவில் அவர்களது பெயரில் இக்கணக்கு ஆரம்பித்து பேணப்படும். தகுதியான முதலீட்டாளர்களினால் இணைப்பாகவோ அல்லது தனியாகவோ இலங்கை ரூபாவில் அல்லது குறிப்பிடப்பட்ட வெளிநாட்டு நாணயங்களில் பேண முடியும்.
கீழே தரப்பட்டுள்ள நியமங்கள் மற்றும் நியதிகளிற்கு உட்பட்டு அந்நிய செலாவணி திணைக்களத்தின் ஆலோசனை இல்லாமல் விற்பனையின் மூலம் கிடைக்கப்பெறும் பணம், பங்கு இலாபம் போன்ற முதலீட்டின் மூலம் கிடைக்கும் நிதிகளை SIA இன் ஊடாக அனுப்ப முடியும்.
உசாத்துணை:
வெளிமுக முதலீட்டு கணக்கு (OIA)
இலங்கையில் வதியும் ஒரு நபர் வெளிநாடுகளில் முதலீட்டைச் செய்வதற்கான நிதியை வெளிநாடுகளுக்கு அனுப்புவதற்காக உருவாக்கப்பட்ட ஒரு சிறப்பு கணக்கே வெளிமுக முதலீட்டு கணக்கு ஆகும்.
பின்வரும் பணிப்புரைகளில் / வர்த்தமானியில் குறிப்பிடப்பட்டுள்ள நியதிகள் மற்றும் நிபந்தனைகளுக்குட்பட்டு அதிகாரமளிக்கப்பட்ட வியாபாரிகளுக்கு வதியும் முதலீட்டாளர்களின் பெயரில் உரிமம் அளிக்கப்பட்ட வர்த்தக வங்கிகளில் உள்நாட்டு வங்கித்தொழில் பிரிவுகளில் வெளிமுக முதலீட்டுக் கணக்கை ஆரம்பித்து பேணுவதற்கு அனுமதியளிக்கப்பட்டுள்ளது.
உசாத்துணை:
- அரச வர்த்தமானி
01.01.2011 ஆம் திகதியிடப்பட்ட இல. 1686/50 - அரச வர்த்தமானி
01.01.2011 ஆம் திகதியிடப்பட்ட இல. 1686/52 - அரச வர்த்தமானி
01.01.2011 ஆம் திகதியிடப்பட்ட இல. 1686/53 - செலாவணிக் கட்டுப்பாட்டு பணிப்புரை
21.01.2011 ஆம் திகதியிடப்பட்ட இல. 06/04/02/2011 - செலாவணிக் கட்டுப்பாட்டு பணிப்புரை
01.07.2014 ஆம் திகதியிடப்பட்ட இல. 06/04/11/2014